رواية بيت بلا روح للكاتبة مصطفي جابر هي حكاية تنبض بالمشاعر وتفيض بالصراعات الداخلية والخارجية، حيث تتقاطع الأقدار وتتشابك المصائر في قصة حب مختلفة لا تخضع للمنطق أو الزمن.في رواية بيت بلا روح، يعيش القارئ حالة من الانجذاب العاطفي والتوتر النفسي، وسط أحداث متسارعة تكشف أسرارًا مدفونة وقرارات مصيرية تغير كل شيء. الرواية لا تقدم حبًا مثاليًا، بل واقعيًا، مليئًا بالتحديات والتضحيات.
رواية بيت بلا روح من الفصل الاول للاخير بقلم مصطفي جابر
مين دي يا حازم واي فستان الفرح اللي هيا لابساه ده؟
حازم بهدؤء: دي سما مراتي يا روح ضرتك الجديده
روح بصدمة: مرات مين يا حازم انت بتهزر صح.؟
حازم ببرود: لا مبهزرش انا اتجوزت عليكي ودا شرع ربنا.
روح بزعيق: شرع ربنا اييي اللي يخليك تدخل عليا بيها وتجبهالي لحد هنا انتو بتفسروا الشرع علي مزاجكم.
حازم بجمود: صوتك ميعلاش عشان اقسم بالله هرمي عليكي يمين الطلاق دلوقتي ومش هتخرجي من هنا غير بالعباية اللي عليكي.
روح بصدمة ودموع: بعد كل دا بتهددني؟ لي يا حازم دا انا شايلاك انت واهلك من علي الارض شيل
حازم ببرود: الموضوع ملهوش علاقه بيكي وانا حبيت اجدد يا روح يلا جهزي الاوضه اللي جنبك.
روح بغضب: انت كمان هتدخلها شقتي وعلي عفشي.
حازم بسخرية: شقة مين يام شقة انتي عبيطة ولا عقلك فوت؟ دي شقتي و العفش دا مسؤؤل مني.
سما بدلع: لو مش عاجبك يا روح ممكن تنزلي تقعدي تحت وتاخدي عفشك وانا هجيب الاحسن منه.
روح بجمود: انا موجهتلكيش كلام كلامي مع جوزي.
عزة بسخرية: ماهو مبقاش جوزك لوحدك بقا جوزنا احنا الاتنين
روح بصت له بدموع: انا مش هسامحك يا حازم علي وجع قلبي دلوقتي.
حازم بسخرية: صدقي هموت وتسامحيني مش قادر اتنفس هههه ضحكتيني... المهم انتي اللي هتجهزي لينا الصباحية بكرا.
عزة بدلع: يلا يا روحي سيبك منها..
... خدها ودخل جوا وهي جريت علي اوضتها..
روح بدموع: لي يا حازم لي حرام عليك دا انا قولت انت سندي في الدنيا تقوم تغدر بيا بالمنظر دا عملت لك اي يمكن عشان الخلفة طب ما العيب منك انت وانا عديتها وقولت اصبر واتحمل واجيب العيب مني عشان مكسركش ومحسسكش بالوجع لي يا حازم ليييييي.
... تاني يوم الصبح..
سما وهي قاعدة بتبص لروح بسخرية: بصي يا رورو الفطار دا انتي اللي هتعمليه كل يوم تمام انا عايزة أكل سخن وريحة البيت تبقي زي الفل
روح بجمود: أنا مش خدامة هنا أنا مرات الراجل اللي انتو خطفتوه مني.
سما بدلع مستفز: يا نهار أبيض انتي بتزعقيلي كده ليه يبت انتي.. هو من اولها كده مش طايقاني من أول يوم.
.. دخل حازم فجأة..
سما تجري عليه: حازم كويس انك جيت يا حبيبي روح بتزعق ليا من غير سبب وعايزه تطردني من البيت وانا والله ما عملتش ليها حاجة.
روح بصدمة: إيه أنا قولت كدا انتي بتكدبي ليه... يا حازم حازم دي بتتبلي عليا أنا ما عملتش حاجة غير إني قولتلها ان انا مش خدامة.
سما بدموع تمثيل: شايف يا حازم دي بتكدبني وعاوزة تخرب حياتنا من اولها.
حازم بغضب : كفاية بقا يا روح لو مش عاجبك الوضع الباب يفوّت جمل أنا اخترت أجدد حياتي ومش هستغنى عن سما
روح بكره: ربنا ينتقم منكم انتي اللي جايه تبوظي بيتي.
بالليل..
روح كانت قاعدة في أوضتها قامت جابت هدومها وعلقتها في دولابها.
سما دخلت بخبث: إيه يا رورو بتجهزي هدومك ليه اوعي تقولي انك ماشية.
روح بجمود : اولا مش هنولهالك ومش هسيب بيتي تاني حاجه دي أوضتي وأحسنلك متدخليش هنا تاني.
سما بدلع: حاضر دا أنا جايه أسلم عليكي بس..
...... بتضحك بخبث وتمشي..
بعد شوية..
روح بتدخل بتلاقي هدومها مرمية على الأرض ومتقطعة نصين..
روح بصدمة: إييه اللي حصل مين اللي عمل كده.
.. بتخرج تجري للصالون وهي ماسكة هدومها المقطعة..
روح بغضب : مين اللي عمل كدا مين دخل أوضتي.
سما قاعدة على الكنبة بتمثل البراءة: إيه دا يا روح إيه اللي في إيدك دي هدوم قديمه عندك؟
روح بغضب: لااا دي هدومي لسه كنت معلّقاها قدامك.. إنتي اللي عملتي كدا يا سما مفيش غيرك هنا.
سما بمكر: أنا دخلت أوضتك؟ انتي بتفتري عليا ولا إيه أنا طول الوقت قاعدة هنا قدام الشاشه متحركتش.
روح بدموع: كدّابة انتي اللي عملتي كدا وبتحاولي تغظيني.
حازم كان داخل من الباب سمع آخر الجملة..
حازم باستغراب: إيه الصوت العالي دا مالك يا روح.
روح بدموع : هدومي.. سما قطعت هدومي يا حازم.
سما بسرعة تقوم تمثل العياط: هو إيه اللي بتقوليه دا ليه بتتهميني بحاجة أنا ما عملتهاش انا معملتش حاجه يا حازم هيا اللي قطعتهم علشان تتهمني وتوقع بيني وبينك
روح بغيظ: كان يوم ما يعلم بيه الا ربنا يوم ما جيتي هنا... انتي اي يشيخه كل ده كدب؟
حازم ببرود : كفاية فضايح يا روح انا زهقت و عيب اللي بتعمليه ده.
روح بحزن : بتقولي انا عيب؟؟ طيب يا حازم حاضر... بس خليك فاكر انك عمال تظلمني.
سما تبص لروح بخبث : سيبك منها يا روحي شكلنا مش هنعرفو نعيشو مرتاحين طول ما هيا هنا.
بعد كام يوم..
أهل سما جم يزوروها في البيت أمها وأختها قاعدين في الصالون وروح واقفة بتقدملهم الشاي.
أم سما ببجاحة: هو دا الشاي دا طعمه مية زباله؟
روح بتحاول تمسك نفسها: هو الشاي حلو بس هروح أعملك غيره دلوقتي.
سما تقطعها بخبث: لأ يا روح متتعبيش نفسك هاتي كوباياتك الفاضية كدا وأنا أعمل لماما بإيدي أصله مش أي حد يعرف يظبط شايها.
امها بخبث : عندك حق أصل في حاجات مش الكل بيعرف يعملها زي الطبخ وزي الخلفة.... الاطفال اللي بيربطو الراجل بمراته.. الا صحيح انتي بقالك قد إيه متجوزة
روح بهمس وهيا مكسورة: بقالي حوالي خمس سنين. ..
أم سما بسخرية: خمس سنين ومفيش عيل لا حول ولا قوة إلا بالله دا انتي أرض بور علي كدا .
حبيبة بضحك: طب يا ماما يمكن العيب في حازم.
سما بسرعه: لأ يا حبيبتي حازم راجل مية مية العيب مش منه.
روح بدموع: شكرا لذؤقكم وكلامكم.
سما بخبث : طب إنتي بتزعلي ليه يا روح إحنا بس بنهزر معاكي ولا الهزار جه على الوتر الحساس.
أم سما بخبث : يا بنتي الراجل لازم يفرح أهله بعيل مش يقعد طول عمره مع واحدة عايشة كأنها تمثال في البيت.
روح تنهار : ليه بتقولوا كدا ليه بتذلوني أنا مليش ذنب دا قدر ربنا.
سما بسخرية: دموعك مش هتغير حاجة هو في الآخر هيبقى لينا عيال واحنا اللي هنملالك البيت
.. روح دخلت المطبخ تمسح دموعها لبست الطرحة كويس وبدأت تجهز الأكل ليهم..
كانت واقفة تقطع الخضار وتجهز الحلة على البوتاجاز.
أم سما دخلت وراها بهدوء تبص لها من فوق لتحت بقرف: الله إيه النشاط دا شكلك عايزة تورينا إنك شاطرة قدامنا.
روح بجمود: أنا بعمل الواجب اللي عليا لانكم في بيتي
أم سمل بتمشي ناحيتها وتبص في الحلة: دا إيه اوبا محشي كرمب وورق عنب؟
روح بهدؤء : أيوة عشان اللي مش بيحب نوع ياخد التاني. .
أم سما بسخرية: بس هو شكله عامل كده ليه؟ لا ليه شكل ولا طعم وشكله يسد النفس
روح بهدؤء: حضرتك لسه ما دوقتيش علشان تحكمي
أم سما بتبتسم بخبث وتقرب أكتر وفجأة تمد إيدها وتزق الحلة من على البوتاجاز توقعها على الأرض.
روح بخضة : يا ساتر يارب ليه عملتي كدا دا أكل البيت كله.
أم سما تمثل البراءة: استغفر الله العظيم إيه اللي حصل دا بقي مش عارفه تحطي الحله حلو عالبوتجاز
روح بدموع وهي بتلمع في عينيها: لا وانتي الصادقه انتي اللي زقيتيها عن قصد .
أم سما بسخرية: هو أنا عيلة عشان أعمل كدا طب روحي قولي لحازم وشوفي هيصدق مين.
.. في اللحظة دي سما بتدخل المطبخ بسرعة وكأنها جايه على الصوت....
سما بتمثيل: في إيه و إيه اللي وقع الأكل دا.
أمها بسرعة: الحقي وتعالي شوفي ضرتك مش عارفة تعمل حاجة وضيّعت العشا كله برجليها.
روح بقرف : انتو اي صنفكم بالظبط لي بتعملوا كدا.
سما بسخرية: يا حبيبتي احنا لسه عملنا حاجه دا لسه الخير قدام.
حازم بيفتح الباب وبيروح علي صوتهم
حازم بهدؤء: إيه اللي بيحصل هنا واي اللي وقع الاكل ده كده عالأرض .
أم سما بتمثيل:مراتك وقعت الأكل كله وجيت اساعدها هزقتني وبتجيب اللوم عليا يبني
روح ببصدمة: متصدقهاش دي هي اللي زقت الحلة.
سما تمسك إيد حازم بدلع: لأ يا حازم بلاش تتعصب بص أنا وماما وروح كنا قاعدين بر وقولت لماما اني طبخت الغداء وخلصته نتعشو سوا لما تيجي واوريك اني ست بيت شاطره لكن روح اتنرفزت وغضبت ودخلت وقعت كل الأكل.
روح بصدمة: إيهيييي انتي اللي كنتي عامله الاكل؟ ده أنا اللي كنت واقفة من الصبح بجهز الاكل
سما ببراءة مزيفة: يا روح ليه كده إنتي عارفة إني بحبك ومش عايزة مشاكل ليه الاذي دا.
روح تصرخ فيهم: انتو كلكم كدّابين أنا اللي كنت بطبخ وأمك هيا اللي وقعت الأكل.
أم سما بغل: استغفر الله العظيم شوف يا حازم مراتك بتتهمني وبتزعقلي ازاي وانا في مقام أمها؟
حازم بغضب:
↚
شوف يا حازم مراتك بتتهمني وبتزعقلي ازاي وانا في مقام أمها؟
حازم بغضب : إيه يا روح هو احنا هيفضل مكتوب علينا النكد؟ طب انا وباجي علي نفسي وبستحملك لكن مش هسمحلك تطولي لسانك علي ام سما
روح بدموع : انت هتفضل تصدقهم وتكذبني أنا كل دقيقه.
سما بتمثيل: يا حازم انا مش هقدر افضل في المشاكل دي لو هيا مش متحملانا انا وامي إحنا ممكن نمشي ونسيبلها البيت رغم اني حاولت اتقرب منها ونبقي صحاب علشان ميبقاش في بينا مشاكل لكنها كل شويه تصدني
حازم بعصبية: بسس أنا زهقت ... لو الموقف دا اتكرر تاني هتلاقي نفسك برة البيت يا روح
روح بغضب راحت اوضتها بحزن..
.. تاني يوم …
حازم راجع البيت و رمى الجاكتة على الكنبة وقعد ماسك راسه.
روح خرجت من أوضتها بقلق: في إيه يا حازم شكلك مهموم لي .
حازم بخنقة : البضاعة وقعت وخسرت فيها مبلغ كبير ومفيش معايا ولا مليم أسدد اللي عليا.
حماته بصدمه : نهار ابيض يعني أنت كده بقيت عالحديده ؟ أقصد يعني مبقاش معاك ولا جنيه تجيب بضاعه جديده ؟
سما بحنية مزيفه : يا خرابي طب وهتعمل اي و هتجيب تمن البضاعه دي منين ياريت كان معايا فلوس كنت أديك عمري قبل الفلوس بس أعمل اي محلتش حاجة.
حازم يتنهد وهو متعصب: وانا مطلبتش حاجه من حد سيبوني انا مش طايق نفسي.
.. روح قامت و دخلت اوضتها و خرجت بعد دقايق
وهي ماسكة علبة صغيرة في إيدها..
روح بهدؤء: اهدا وكل حاجه هتتحل اتفضل.
.. كلهم يبصوا لها باستغراب..
روح تفتح العلبة وتطلع دهبها الغوايش والسلسلة وكل اللي معاها وتحطه قدامه: خد دول دهبي بعهم وفك دينك ولما ربنا يكرمك هات لي غيرهم .
حازم بصدمة: إنت إزاي تعملي كدا يا روح.
روح بحنان : عشان أنا مراتك وسندك مهما عملت فيا و الدين كسر ضهرك وأنا مش هسيبك تنكسر.
سما بخبث : هو يعني كل ده كان معاكي وكنتي مخبية طب وليه مدتيش لجوزك الحاجه دي من زمان يفتح بيهم مشروع تاني ولا مش عايزة تساعديه.
روح بتبصلها ببرود: لأ كنت هديهوله بس أنا كنت شايله دهبي لوقت الشدة ووقت الشدة جه مش زيكم كلام وبس.
حازم بيبص لروح بحزن وصوت واطي: مش مصدق إنك بعد كل اللي حصل بتعملي كدا عشاني.
.. سما كانت واقفه باصه لامها وواقفين وهما علي آخرهم من اللي بيحصل
بعد شويه في أوضة سما…
سما قاعدة قدام المراية تشيل الميكب وبصت لأمها بخبث: شفتي يا ماما روح قلبت الترابيزة علينا كلها بدهبها ازاي
امها بغيظ: آه قلبتها وكانت بتبصلنا بشماته اووي وكله كوم وحازم كوم تاني .. ده كان هيعيط لما شافها بتديله حاجتها
سما بغِل: لو فضل شايفها كدا كريمة ومخلصة وبتحبه إحنا هنترمي في الزبالة.
امها بتفكير : يبقى نلعبها صح ونسرق الدهب.
سما باستغراب: نسرقه ازاي يعني الدهب حازم قالها تخليه لحد اما يشوف لو معرفش يتصرف هياخده .
امها بمكر : احنا بقا نسرقه ونخليها تبان إنها ضيعته أو بالمعني أنها خبيته ورجعت في كلامها لما عرفت انها هتخسر وهنا بيجي دورك انك تقولي أنها كانت عايزة تعمل شو قدامه وإنها بطلة وكده
سما بضحك: يعني هنخليها في نظره كدابه وبدل ما كان فخور بيها لما عرف انها هتقف جمبه نخلوها في نظره حقيره
امها بضحك : بالظبط ... انتي بقي مهمتك انك تعرفي فين مكان الدهب بتاعها وتنقليه من مكانه وتحطيه تحت سريرها ولما هيا تقول لحازم انها مش لاقيه الدهب نسخنو حازم عليها وندور احنا عالدهب عشان نثبت اننا صح.
سما بعيونها كلها شر: وطبعا لما نلاقو الدهب تحت سريرها حازم هيقول إنها كدابة وإنها هيا اللي خبت الدهب منه ويتعصب عليها كالعاده ....
تاني يوم …
حازم بحزن : أنا معرفتش اتصرف يا روح .. هاتي الدهب هروح ابيعه لحد ما اعوض خسارتي وهرجعهولك تاني
روح بسرعة قامت دخلت جوا الأوضة، فتحت الدولاب تجيب الدهب لكن مش لاقياه !! فضلت تدور عالدهب وفجأة وقفت مكانها عينيها توسعت وصوتها طلع عالي: يا نهار أسود الدهب الدهب اتسرق.
طلعت من الاوضه وراحتلهم في الصاله
روح بصدمه : الدهب اللي كان هنا في الدولاب راااح فين انطقووو ؟
ام سما قامت من مكانها، بصوت كله خبث وبرود:
الله الله يعني بعد ما عملتي بطلة وقولتي هتديه لجوزك رجعتي في كلامك وخبيتيه.
سما بسخرية : دي كانت عاوزه تعمل فيها كريمة بس الحقيقة إنها خبته وأنا سمعتها وهيا بتقول انه حقها ورجعت في كلامها علشان خسارة فيك.
روح بصدمة : حرام عليكم أنا عمري ما عملت كده إزاي تتهموني بسرقة دهبي وأنا اديتهولك بإيديا يا حازم عشان تفك كربك.
ام سما بسخرية: يا سلام طب هو راح فين يا أختي طار مثلاً انا متاكدة انك مخبياه ولو دخلنا دورنا هنلاقيه.
حازم بزعيق : إنتي إيه يا روح كنتي بتلعبي بيا أنا غرقان في الديون وواقف على حيلي بالعافية وأنتي قاعدة بتكدبي عليا وبتقولي انك جنبي وفي الآخر مخبيا الدهب ؟
روح بحزن: مش عارفه اقولك اي غير ان حبي ليك عمال يقل في كل مره لأنك في كل مره بتكدبني وتصدق المفترييين دول
حازم بغضب : بس كدب بقا سما وامها سمعوكي مش هيفترو عليكي يعني
ام سما بخبث : متظلمهاش يا حازم هيا بس يمكن خافت انك متعوضهاش ب غيره ف قالت تحتفظ بيه أحسن.
حازم بزعيق : خلاص أنا مش ناقص وجع دماغ من حد الفلوس راحت والدهب اختفى وأنا متبهدل في السوق وأنا بقيت آخر همك يا حور
روح حاولت تمسك إيده وهي منهارة:
لا يا حازم أنا همّي كله إنت صدقني أنا معرفش الدهب راح فين .
سابهم ودخل اوضته..
روح بقرف : عارفين إيه اللي قاهرني مش إنكم بتتبلوا عليا أنا اتعودت منكم علي كدب وخبث وحقد القهر الحقيقي إن جوزي اللي المفروض يكون سندي بيصدقكم ويكذبني
سما بسخرية: مهو لازم يصدقنا يحبيبتي دنا قريب هبقي حامل منه وام الواد ووقتها هيطردك
روح ببرود : وقتها هنشوفو مين اللي هينطرد وحازم هيشوف حقيقتك المرة.
سما بصدمه :
↚
حازم لازم يصدقني يحبيبتي دنا قريب هبقي حامل منه وام الواد اللي نفسه فيه ووقتها هيطردك من هنا
روح ببرود : وقتها هنشوفو مين اللي هينطرد وحازم هيشوف حقيقتك
سما بصدمه : تقصدي اي ؟
روح بقرف: أقصد أن الأيام بينا وهيا اللي هتحكم ولعلمك أنا مش بخاف منك أنا صبرت عليكي كتير ولما ييجي وقت الحق ربنا اللي شايف وعادل هو اللي هيفضحك وبكره تندمي
بصت بحزن وكسرة علي اوضة حازم: يمكن النهاردة حازم صدقك بس مش طول العمر هيعيش مخدوع.
دخلت ل حازم الأوضة ...
روح بهدؤء: حازم ... ممكن تسمعني وتبطل تتسرع كدا.
حازم بجمود: عاوزة اي يا روح ولو فاكرة إن لعب العيال دا هيمشي عليا تبقي غلطانه دهبك اللي اختفى في ثانية وبتقولي مش إنتي طب مين غيرك عارف مكانه ومين هيدخل أوضتك ؟
روح بجمود : ممكن اسالك سؤال.
حازم ببرود: اتفضلي اسألي.
روح بكسرة: هو انت بجد مصدقهم ؟ مصدق أي كلمة تطلع منهم حتى لو على حساب كرامتي ؟ هو أنا مكنتش سندك هو مش انا اللي وقفت جنبك السنين اللي فاتت دي ؟
حازم بعصبية: بلاش تلعبى دور المظلومة قدامي يا روح أنا عارفك كويس.
روح بسخرية : انت لو كنت بتعرفني مكنتش شكيت فيا أنا اللي متخلتش عنك يوم حتى وانت بتهني وتجرح وتكسر فيا وكنت بستحمل وأقول جوزي سندي ضهري. والنهاردة تيجي تصدق كلمتين من عروستك الجديده وتكدب اللي باعت من روحها عشانك.
حازم بتوتر مسك دماغه من الغضب: بقولك كفاية يا روح مش ناقص رغي.
روح قربت منه بصوت موجوع: عارف إيه أكتر حاجة بتوجع إنك تبص في عينيّ وتفتكرني كدابة ... إنك تشوفني غريبة عنك بعد السنين دي واللي لسه داخلين حياتك من يومين تصدقهم ....والله يا حازم جرحك ليا ده مش جرح عادي ... ده جرح ست اتطعنت في ضهرها من واحد المفروض أنه راجلها وسندها.
.. سكتت وخدت نفس مكسور..
روح بهدؤء : بس يمكن أنا الغلطانة عشان حلمت إنك تبقى ابويا واهلي عشان مليش اهل افتكرت انك كل حاجه بس انت بدءت تكسر كل دا.
.. حازم سكت لحظة باين عليه اتأثر لكنه عنيد وشه محمر من العصبية ومسك الباب وخرج وهو حزين من كلامها بس مش قادر يبين.
... في اوضة سما...
حازم قاعد لوحده علي السطح ماسك راسه كلام روح بيرن في ودنه: هيا معايا من زمان استحملتني معقول تكون دي روح اللي أنا بكسرها كل يوم ولسه واقفة جنبي طب ليه وجعها كسرني كدا.
.. تليفونه بيرن ب رقم غريب..
حازم بجمود: الو مين معايا.
شخص مجهول : انا اللي الحلوة مراتك بترتب انها تهرب معايا.
حازم بغضب: انت بتقول اي يا مجنون انت مرات مين.
المجهول بمكر: مراتك روح ... انا اتصلت اقولك لانه بصراحه انا عاوز اخلع منها اصلي زهقت من كتر ما بتطاردني وانا ليا بيت واسرة مش حابب اسيبهم الاول كنت بتسلى لكن معرفش انها هتقلبها جد اوي كدا.
حازم بغضب: قطع لسانك روح اشرف منك ومن اهلك
..قفل في وشه..
دقيقه ولاقي رسائل جت له واتس و فيها ريكوردات ب صوت روح..
المجهول بسخرية: أنا هعديلك انك قفلت في وشي عشان عذرك ومش هتصدقني ... بس الريكوردات دي بتاعتها وبصوتها اسمع واتأكد .
حازم بعدم تصديق: مش هفتحهم عشان انا واثق في مراتي.
المجهول بخبث: والله براحتك تفتحهم ولا لا انت حر خليك كدا متقرطس من مراتك الحلوة اكيد هتشوف غيري وتحط راسك في الطين.
حازم كان هيكسر التليفون لكن فضوله خلاه يفتح الريكوردات..
في الريكورد صوت روح وهي بتتكلم: بقولك اي يلا نهرب انا زهقت من العيشة اللي انا عايشاها معاه دي مش كفايه اتجوز عليا ... لا وعمال يزعقلي كل دقيقه بسببها وانا فعلا خبيت الدهب و عماله اوقعه فيهم لكن دا بيتقلب عليا انا ف خلاص بقي انا ههرب معاك ونعيش احرار.
حازم بدموع وصدمة: معقولة يا روح انتي تعملي معايا كدا وانا اللي كنت فاكر اني فعلا ظالمك.
.. نزل جري ودخل بزعيق: هي فيننن رووح انتي يا خاينةة.
روح بقلق: في اي يا حازم مالك بتزعق لي. .
حازم بغضب : اسكتيييي ما تفتحيش بوقك غير لما أخلص كلامي.
روح اتجمدت مكانها من منظره.
حازم رفع الموبايل في وشها: إيه دا يا حلوة تسجيل بصوتك بتقولي فيه إنك هتهربي مع واحد! مين الواد اللي اللي خونتيني معاه هااا مين العشيق اللي أنا مأوي مراتي ومخليها بتضحك عليا و مخلياني مسواش لا وعاوزة تهرب من ورا ضهري.
.. روح عينيها وسعت من الصدمة،..
روح بغضب : إنتَ اتجننت يا حازم أنا أهرب بعد كل اللي عملته عشانك بعد ما صبرت على ظلمك وخيانتك ... أقسم بالله لولا العِشرة كنت مشيت من بدري بس عمري ما هقصر في حاجة إلا شرفي دي الخط الأحمر واللي يحاول يمسه هخليه يندم انت فاهم.
حازم صرخ: كفاية تمثيل انتي اي مبتشبعيش قرف التسجيل موجود وسمعته بودني خدي اسمعي يا حلوة.
... روح سمعت بصدمة..
روح بصدمة: دا مش انا مستحيل اعمل كدا اكيد حد مفبركه ... التسجيل ده مزيف زي اللي حواليك لأنك لو لفيت الدنيا كلها مش هتلاقي ست زيي.
.. سما وامها كانوا واقفين عند الباب يتفرجوا متوقعين يشوفوا روح مكسورة
حازم بغضب: انتي عارفة اني ممكن ادفنك دلوقتي ومحدش هيلومني.
روح بسخرية : ادفني ولعلمك أنا من النهارده مش هقدر أكمل معاك خلاص طلقني يا حازم."
حازم اتنفض وصوته عالي: إيهههه ... إنتي كمان اللي بتطلبي الطلاق والله لأطلّقك دلوقتي وأوريكي قيمتك إيه من غيري.
روح ببرود: هكون احسن من غيرك الف مرة.
حازم بغضب اعمي : روح إنتي طالق.
.. سما واقفه بتضحك بخبث وفرحانه.
.. لكن فجأة روح بصت لحازم بسخرية وقالت: حلو بم انك طلقتني يلا دلوقتي اتفضل إنت و مراتك شوفوا هتناموا فين
حازم بصدمة : البيت دا بيتي يا روح وانتي اللي روحي شوفي هتنامي فين
روح بصوت ثابت: ههه بيت مين يا حازم دي الشقة بأسمــي ودا كان مهــري شكلك نسيت ولا عملت نفسك ناسي.
.. حازم وشه قلب ألوان واقف مصدوم مش قادر يرد...
روح كملت وهيا بتفتح الباب: يلا يا حضرات كلكم من غير مطرود تتفضلوا تطلعوا بره الشقة دي لان ده بيتي أنا بس وحقي اللي مكتوب بورق رسمي ... أنا اتحملت الذل عشان العِشرة لكن بعد الطلاق وجودكم هنا بقى اسمه تعدي.
سما بغضب : انتي بتهزري صح يا روح.
روح ببرود: وانا من امتي وانا بهزر مع اشكالكم دي يلا يا حلوة اطلعي برّه قبل ما أجيب البوليس يرميكي انتي وجوزك دا في الشارع.
ام سما بصوت عالي: ما تنطق يا حازم قولها حاجة.
.. حازم واقف متجمد عينه في الأرض مش قادر يفتح بوقه من الصدمة...
روح فتحت الباب على آخره، بصوت عالي مليان قوة لأول مرة: لا خر مرة هقولكم برا ... اوعي تكون فاكر اني هسيب لكم حقي لانك متستهلش
بعد ساعه حازم ومراته لمو هدومهم وخرجوا
.. سما وامها كانو خارجين وهما مش طايقين نفسهم وحازم واقف تايه حاسس لأول مرة إنه هو اللي اتذل واترمى دا غير وجعه انه طلقها .
.. بعد شويه...
حازم راح بيت امه أول ما دخل أمه كانت قاعدة في الصالة وشهها قلب ألوان لما شافته.
أمه بأستغراب : اي ده في اي يا حازم جايب مراتك ليه هنا واي الشنط دي ؟
حازم بغضب : أنا طلقت روح يا ماما وكنت ناسي أن الشقه بأسمها فطردتنا منها وجينا نبات هنا لحد ما نشوف شقه نعيشو فيها .
أمه بغضب : بتقول اي ؟؟ طلقت روح ؟ ليه يا حازم هو ده اخرتها تطلق البت اللي شالتك وشالت بيتك سنين.
حازم بعصبية: ما تدخلنيش في نقاش يا أمي الست دي خاينه وخليني ساكت عشان انا علي اخري.
أمه قامت واقفة عينيها مولعة: مين دي اللي خاينه يا بن بطني روح ؟ روح دي طول عمرها زي االالماظ دي عمرها ما رفعت صوتها عليك و دايما بتحبك وتراعيك وتخاف عليك وتخدمك وبتخدمني وبتراعي ربنا فينا ... إنت اللي بقيت مغيب وبتسمع كلام الهانم بتاعتك من وقت ما عرفتها من ورا مراتك واتجوزتها وانت حالك بقي مايل
..
سما بسخرية: هو إيه دا يا طنط إنتي ناسية إني مرات ابنك برضه يعني المفروض تحترميني وبعدين حازم مغلطش في حاجه علي حاجة هيا اللي خانته وعلي علاقه براجل تاني وكانت ناويه تهرب لولا أن حازم كشفها علي اخر لحظه.
ام حازم بصدمه : روح كانت علي علاقه براجل تاني ؟
↚
طلقت روح يا حازم ؟ روح اللي عمرها ما رفعت صوتها عليك و دايما بتحبك وتراعيك وتخاف عليك وتخدمك وبتخدمني وبتراعي ربنا فينا ... إنت من وقت ما عرفت البت دي من ورا مراتك واتجوزتها وانت حالك بقي مايل
..
سما بسخرية: هو إيه دا يا طنط انا مرات ابنك برضو يعني المفروض تحترميني وبعدين حازم مغلطش في حاجه علي حاجة هيا اللي خانته وعلي علاقه براجل تاني وكانت ناويه تهرب لولا أن حازم كشفها علي اخر لحظه.
ام حازم بصدمه : اخرسي قطع لسانك ... روح دي أنصف واطهر منك مية مرة .
سما بغضب : احسن من مين يحماتي دي واحده رخيصه متساوش فردة شبشبي وكويس أن حازم كشف خيانتها وطلقها.
شمس بصوت عالي: اسكتيييي يا حقيره مسمعش صوتك ....انا لو عليا كنت رميتك في الشارع من أول ما دخلتي هنا
حازم بعصبيه : بس بقي كفايه أنا صدعت مش عايز اسمع صوتك يا سما وأول واخر مره تتكلمي معا امي بالشكل ده
أمه وقفت قصاده: اسمع مني كلمه أخيرة روح عمرها ما كانت قليلة أدب ولا كدبت ولا خانت .. روح دي اللي اتحملت فوق طاقتها وانت اللي كسّرتها بإيدك وهتندم يا حازم والندم مش هيعوضك.
..
بعد مرور شهر على طلاق روح…
.. البيت اتغير لكن التوتر والخناق ما وقفش...
سما داخلة على حازم في الصالة، ماسكة ورقة تحاليل في إيدها وابتسامة عريضة على وشها.
سما بدلع: حازم يا زومي افرح يا روحي ليك عندي حتة خبر هيخليك أسعد راجل في الدنيا.
حازم بهدؤء: خير يا سما خبر اي دا.
سما عطته الورقة وهيا بتضحك: الف مبروك يا جوزي أنا حامل.
.. حازم وشه نور فجأة مسك الورقة بفرحة، وقام حضنها: بجد يا سمااا إنتي حامل يعني انا هبقي اب وأخيرًا هشوف ابني.
سما بضحك : هتبقي اي يحبيبي ومعايا هنسيك كل هموم الدنيا واخليك دايما مبسوط
..
عند روح..
روح كانت قاعدة في أوضتها لسه قافلة مع شمس بعد ما سمعت خبر الحمل رجليها بتتهز ووشها مصفر قلبها بيدق بعنف..
روح بتكلم نفسها وهيا ماسكة الورق: إزاي إزاي حامل حازم مبيخلفش التحاليل كلها عندي أنا اللي شايلة السر ده أنا اللي فضلت ساكتة عشان مايتكسرش قدام الناس إزاي؟؟.
.. بتقعد على الأرض عينيها تدمع وهيا مسكة الورق.
روح بصدمة : يعني إيه يعني هيا خانته سما خانت حازم ازاي وازاي قدرِت تمثل البراءة دي كلها.
بتغطي وشها بإيديها وتنهار: أقول له ولا أسكت لو قلت له هيولع الدنيا ولو سكت هيعيش في كدبة كبيرة أنا أنا مش عارفه أعمل إيه.
بتقوم تقف وتبص في المراية:
روح بغضب ممزوج بالدموع: أنا اللي اتظلمت أنا اللي اتطلقت واتشوهت سمعتي وهيا دلوقتي اللي بتضحك عليه و بتلعب بيه يا رب يا رب دلني أعمل إيه…
بعد شوية في كافيه ما..
روح قاعدة قدام صحبتها مي ع.
مي بصدمة: إيه اللي بتقولي ده يا روح هيا إزاي حامل ... انتي متأكدة إن حازم هو اللي مبيخلفش…
روح بسرعة وهي مطلعة التحاليل: أهو شوفي بعينك أنا شايلة الورق ده من سنين كنت بقول يمكن ربنا يرزق بعدين بس الحقيقة قدامي هو مبيخلفش وسما حامل قوليلي أعمل إيه يا مي.
مي تهز راسها: يا نهار أسود والله دي خيانة صريحة يا روح بس بقولك إيه بالله عليكي ما تقوليش لحد لو عرف هتبقي مصيبة كبيرة.
روح بعناد ودموعها بتنزل: لأ لازم يعرف ده جوزها مش معقول يعيش مخدوع وهو فاكر نفسه هيبقى أب.
مي تبص لها بذهول: انتي طيبة زيادة عن اللزوم يا روح دي فرصتك تاخدي حقك دي ضربتك اللي ترجعي بيها كرامتك اللي مسحها برجله
روح بتبص لها بوجع: مي أنا ممكن أقبل أي وجع أي إهانة بس عمري ما أرضى أعيش على باطل حازم لازم يعرف الحقيقة.
مي تضحك بخفة وهي ماسكة إيدها: والله يا روح انتي ملاك ماشي على الأرض أي واحدة غيرك كانت هتشمت فيه وتسيبه يولع بس إنتي لا إنتي بتحطي الأصول فوق كل حاجة.
روح بتنهيده : أنا ريحاله دلوقتي وهقوله واللي يحصل يحصل ..
بعد شويه
روح كانت واقفه قدام بيت حازم و متوترة دخلت بهدؤء
روح بهدؤء: حازم يا حازم انت هنا
.. مافيش رد فجأة سمعت صوت كعب سما من وراها..
سما بابتسامة باردة: اي اللي جابك هنا ؟ هو مش حازم طلقك ..جيتي ليه ؟
روح بغضب وقرف: سما انتي ازاي حامل.
سما ببرود وبضحكة مستفزة: هو اي اللي يمنع اني مخلفش .. انتي فكراني شبهك ارض بور
روح بغضب: اخرسي انتي عمرك ما هتبقي شبهي اتفضلي امسكي ... دي التحاليل قدامك العيب مش مني العيب من حازم وانا مخبيه من زمان ... انتي بقي جبتي الحمل ده منين يا سما.
سما وشها اتوتر لكن ضحكت بخبث: انتي مجنونة هتتهميني في شرفي ولا اي ... امشي اطلعي برا
روح بتقرب منها وتهددها: لو ما اعترفتيش دلوقتي هخلي حازم يشوف الورق بنفسه وساعتها هيبان على وشك انك خاينه وهو هيكون عرف الحقيقه.
سما بشر : بقا كدا يا روح عاوزة تفضحيني بس انا هريحك أيوه أنا مش حامل منه بس قسما بالله يا روح لو كلمة من اللي تعرفيها دي خرجت من بؤك ووصلت لحازم أقسم بالله ما هتشوفي يوم أبيض هخلص عليكي بإيديا.
روح بتبص لها بجمود: انتي قليلة الادب ورخيصه بس صدقيني ربنا كبير وحقيقتك دي هتتكشف.
سما ببرود: أنا قولتلك اللي عندي جربي بس تفتحي بقك.
روح بغضب: هفضحك يا سما انتي فاكره اتي هخاف منك يا ولا اي ؟ انا مبقاش في حاجة في الدنيا دي تقدر تخوفني ... جربي بس تقربي مني وانتي هتروحي في داهية.
سما تبتسم بخبث وتعمل حركة مفاجأة تمسك فستانها وتقطعه من الجنب وتبدأ تصرخ بهستيريا: يالهووي آآآآآآه الحقوني يا ناااس روح عاوزة تجهضني بطنننني ابعدي عني حرام عليك ابني ذنبه اي ابعدي.
روح بصدمة واقفة مش قادرة تتحرك: ايه اللي انتي بتعمليه يا مجنونة.
سما بتوقع نفسها على الأرض وتعيط: حرام عليكي ذنبي اي انك مبتخلفيش ... يا ناس الحقوووني دي بتتهجم عليا عاوزة تسقطني ااااه بطني.
... الجيران يجروا على الصوت ويدخلوا يلاقوا سما على الأرض وهدومها متقطعة ودموعها نازلة
ست ما بخضة: اي اللي حصل هنا مالك يا بنتي.
سما بدموع تمثيل: روح كانت عاوزة تخلص مني ومن البيبي أنا معرفش ليه بتكرهني كده.
روح بزعيق وغضب: دي كدابة والله كدابة دي هي اللي عملت في نفسها كده.
الجارة تبص لروح بشك: يعني هيا مجنونه عشان تعمل في نفسها كدا.
سما بدموع: حسبي الله ونعم الوكيل فيكي يا شيخه حازم لازم يعرف أنا مش هسكت.
شخص ما: متخفيش يا بنتي انا كلمته اول ما سمعت الصويت وهو جاي واحنا جنبك وهي متقدرش تقرب منك خطوة واحدة. ..
.. دقايق وحازم دخل جري بخضة..
حازم بخضة: في اي يا سما مين اللي عمل فيكي كدا.
الست : الحق يا حازم مراتك سما مضروبة ومتبهدلة علي الاخر وبتقول إن روح حاولت تسقطها.
سما وإيدها على بطنها: حازم إلحقني روح كانت هتموتني أنا واللي في بطني.
روح بصدمة: انتي مجنونة ... انتي اللي قطعتي هدومك وفضلتي تمثلي حازم والله العظيم دي اللي عملت في نفسها كده.
حازم يتنفس بعصبية: كفاية مش ناقص تمثيل منك الناس كلها شايفينك وانتي هنا وهيا مرميه علي الارض يبقا انتي اللي عملتي كدا اي غيرانه منها.
روح بغضب: انت بجد مصدقها دي خانتك الحمل ده مش منك يا حازم.
.. الناس كلها تتجمد من الكلمة والهدوء ساد ثواني..
سما بخوف وهي بتعيط: سمعتوا بنفسكم اهي مش بس حاولت تخلص مني دي كمان بتشهر بيا وتقول إن اللي في بطني مش من جوزي.
حازم بغضب: انتي كدابة والله ما هسيبك إلا لما تندمي على الكلمة اللي قولتيها بتشككي في مراتي.
روح بدموع: مش بشكك فيها انا متاكدة من كلامي ومعايا اللي يثبت كمان الحقيقة ان انت يا حازم مبتخلفش.
الست بصدمة: اي اللي بتقوليه ده يا بنتي ؟
واحدة تانية انتي مخك فوت صح إزاي تقولي كده على جوزك.
روح ترفع في وشهم التحاليل: اهي التحاليل .. أنا شايلة السر ده سنين عشان ما يتكسرش قدامكم عشان ميتقالش عليه معيوب... وقولت العيب مني وأنا اللي اتكسرت واتهنت عشان كرامته تفضل محفوظة.
سما بتقوم بسرعة وهيا بتعيط تمثيل: كذببب دا اكيد ورق مزور روح بتلفقه عشان تطلع نفسها مظلومة أنا حامل منك يا حازم صدقني
روح بسخرية: انتي خنتيه يا سما واللي في بطنك مش منه ولو عندك جرأة روحي اعملي تحليل دلوقتي قدام الكل.
.. الجيران بدوا يهمسوا لبعض: معقول فعلا متكونش حامل منه وهو مبيخلفش ولا روح اللي عقلها راح لما عرفت ان حازم هيبقي اب.
.. حازم واقف مصدوم عينيه رايحة جاية بين روح وسما إيده بترتعش..
حازم بصوت مبحوح: معقول انا مبخلفش لا اكيد في حاجه غلط روح قولي الحقيقه ابوس ايدك.
سما بانهيار تمثيلي: كدابة كدابة أنا عمري ما خونتك يا حازم روح دي غيرانة مني عشان أنا اللي حامل وعاوزة تفرق بيني وبينك.
الناس حوالينهم وشوشهم كلها شك وفضول..
حازم واقف مكانه مصدوم مش عارف يصدق مين إيده على راسه وصوته مخنوق: أنا أنا مش فاهم حاجة ومش عارف اعمل اي.
شمس بتيجي بغضب : أنا سمعت كل حاجة.. ربنا يشهد إن كل كلمه روح قالتها هيا الصدق .. روح دي اللي شايلة سر ابني من زمان وأنا عارفة الحقيقة كويس بس مقدرتش أقوله
حازم بصدمه : اييييي ؟
↚
البت دي كدابه وبتقول كده علشان أنا بخلف وهيا لا ..اوعي تصدق كلامها يا حازم دي غيرانه وعايزه توقع بيني وبينك
حازم واقف مكانه مصدوم مش عارف يصدق روح عشرة عمره ولا سما
شمس بتيجي بغضب : أنا سمعت كل حاجة.. ربنا يشهد إن كل كلمه روح قالتها هيا الصدق .. روح دي اللي شايلة سر ابني من زمان ومستحملاه وأنا عارفة الحقيقة كويس انت فعلا مبتخلفش يا حازم
حازم بصدمه : اييييي ؟
سما بتتوتر : لا لا انتي كمان كدابه .. امك اكيد متفقه معا روح يا حازم علشان امك مبتحبنيش وبتكرهني وانت عارف كده .
شمس بجمود: اخرسي قطع لسانك .. أنا قولت اللي عندي وأما اشوف ابني هيعرف يتصرف ولا هيفضل واقف ساكت
حازم بجمود : أنا مش هسكت وعلشان كده هاخدك سما روح وهعملهم تحاليل دلوقتي حالا قدام عيني
سما بزعيق: إنت مجنون ... انت بتشك فيا يا حازم ؟ بتشك في مراتك حبيبتك
حازم بقسوة: أنا مش بشك أنا عاوز أتأكد وطالما انتي واثقه من نفسك مش هتخافي صح ؟
سما بغل : كلكم ضدي كلكم متفقين مع روح حتي انت يا حازم مشكك في مراتك ...بس انا هكسر عينيكم واوريكم دليل برأتي يالله بينا نطلعو عالمستشفي اللي جنبنا دي ونعملو تحاليل ليك يا حازم وانت هتشوف بنفسك بس وأقسم بالله لما التحاليل تظهر وتطلع وبرأتي وقتها مش هتشوفني ولا هتشوف ابنك
حازم ببرود : وانا موافق يالله بينا عالمستشفي ..
بعد شويه بيوصلو المستشفي ويروحو الاستقبال ويطلبو يعملو تحاليل .
اول ما الممرضه بتشوفهم بتروح تنادي المدير .
بيوصل مدير المستشفى والشرطه معاه : حازم بيه أنا مدير المستشفى...معلش عايزك دقيقه هنا انت والجماعه اللي معاك .
.. الكل بيبص له باستغراب وسما بتبلع ريقها بخوف..
حازم بأستغراب : خير يا فندم في اي ؟
المدير بيطلع موبايله ويشغل تسجيل صوت..
التسجيل بصوت سما واضح..:
(خدي السلسلة الدهب وتعملي اللي هقولك عليه بالظبط .. أنا سمعت من طليقة جوزي وهيا بتكلم حماتي وعرفت منها ان جوزي مبيخلفش فا أنا متأكده أن طليقته مش هتسكت وهتيجي تفضحني فا عايزك اول ما تلاقينا جايين تعملي لينا الاختبارات واطلعي أن زوجي بيخلف عادي وان روح هيا اللي مبتخلفش مفهوم ؟
الممرضه بخوف : يا سما الأمر صعب لو حد عرف هنروح في داهيه أنا وانتي
سما بعصبيه : متقلقيش من حاجه خدي الدهب ونفذي ومحدش هيعرف ولو الأمر تم هديكي دهب وفلوس زي منتي عايزه.
مدير المستشفى: زي ما انتو سمعتو كده بالظبط مرات حضرتك كانت متفقه معا الممرضه علشان يزورو تحاليل والشرطه جايه تاخدها بتهمة الرشوي والتزوير .
الكل واقف باصص لسما اللي كانت واقفه وشها اصفر
روح بصدمة: هيا وصلت بأنك تزوري التحاليل علشان محدش يعرف ماشيك القذر ؟
حازم واقف بغضب: دنا هوديكي في داهيه بتخونيني يا سما ؟؟
سما بخوف : دا دا مش صوتي ده ريكورد متفبرك اه واكيد روح متفقه معاه زي مهيا متفقه معا امك
المدير بهدؤء: التسجيل من جهاز المراقبة الصوتي في مكتب الممرضة يعني حقيقي مية في المية.
شمس تضرب كف بكف بغضب: يا خسارة يا حازم بقي دي اللي بعت روح وطلقتها علشانها ؟؟
سما بتجري علي حازم: حازم أرجوك أنا بحبك والله وعملت كدا عشان كنت عايزه اجبلك عيل يفرحك
حازم بغضب وبيضربها بالقلم : علشان تفرحيني تخونيني وتجبيلي عيل من واحد تاني يا فاجره ؟ إنت دنستيني دنستي اسمي وشرفي العيب مش عندك العيب عندي انا اني اتجوزتك
سما بغيظ: منتا علطول العيب منك اي الجديد يعني هو انت مسمي نفسك راجل اصلا ؟ انت واحد معندكش شخصيه
حازم بغضب بيقرب منها ويضربها بالقلم : انتي طالق بالتلاته ... واقسم بالله مهخليكي تشوفي الشمس تاني وهرفع عليكي قضيه بتهمة الخيانه غير تهمة الرشوي والتزوير دول .. اتفضلو اقبضو عليها مستنين اي
الشرطه بتاخد سما وهيا بتعيط والكل باصصلها بأحتقار .
بعد شويه
حازم بحزن : تعالي يا روح عايز اتكلم معاكي كلمتين علي انفراد .
بتروح معاه ... حازم بيقف وبيقرب منها وهو ندمان على كل لحظة ظلمها فيها..
روح تبصله بعيون كلها دموع بس مرفوعة صوتها ثابت: شايف يا حازم وصلت نفسك لي اي ؟ أنا اللي طول عمري واقفة جمبك ... استحملت اللي محدش يستحمله وقعدت خمس سنين بدون خلفه علشان بحبك .. جيت علي نفسي علشانك بس في النهايه انت قدمتلي اي !! إنت بعتني واخترت غيري ... واه أنا دلوقتي مش واقفة أعاتبك ولا أقولك رجعني ... أنا عملت بأصلي ومهنش عليا اشوفك بتتخان وأسكت .
حازم بحزن ووجع : يا روح حقك ع......
روح بجمود: متقولش حاجه خلاص أنا مش هرجع تاني لأن كرامتي أغلى من أي حاجه وأغلي من الحب اللي حبتهولك
حازم بحزن : يا روح أنا كنت اعمي وكنت غلطان وندمان اديني فرصه واحده بس عشان خاطري وهصلح كل اللي عملته ده وهعوضك والله .
حور ببرود : هتعرف تعوضني عن كسرة قلبي وحزني يا حازم ؟ هتعرف تعوضني علي صبري عليك الخمس سنين دول وانا كل يوم تهين فيا وتلومني بسبب الخلفه وانا ساكته ومستحمله ومش عايزه اكسرلك ولا اقولك الحقيقه ؟
أنطق ورد هتعرف تعمل حاجه في دول ؟
حازم بدموع واقف مش لاقي رد
روح بجمود: الافضل انك تفضل ساكت فعلا .. أنا همشي ومش عايزه المح طيفك خالص
بتفتح الباب وبتخرج وكأنها لأول مره تحس بالحريه والانتصار وبتمشي
أنتهت ...
خلصتي؟ الرواية الجاية أقوى وأحلى… تعالي وعيشيها معانا👇